ឯកឧត្តម នាយឧត្តមសេនីយ៍ សេង យូអ៊ាន់ អញ្ជើញចូលរួមប្រជុំពិភាក្សាកម្រិតបច្ចេកទេស លើគម្រោងថវិកាសម្រាប់គ្រប់គ្រងឆ្នាំ២០២៧ របស់ក្រសួងមហាផ្ទៃ (ផ្នែករដ្ឋបាលទូទៅ)

នៅទីស្តីការក្រសួងសេដ្ឋកិច្ចនិងហិរញ្ញវត្ថុ៖ នៅព្រឹកថ្ងៃសុក្រ ទី១០ ខែកក្កដា ឆ្នាំ២០២៦ ឯកឧត្តម នាយឧត្តមសេនីយ៍ សេង យូអ៊ាន់ អគ្គនាយក នៃអគ្គនាយកដ្ឋានភស្តុភារនិងហិរញ្ញវត្ថុ បានដឹកនាំក្រុមការងារជំនាញអញ្ជើញចូលរួមប្រជុំពិភាក្សាកម្រិតបច្ចេកទេស លើគម្រោងថវិកាសម្រាប់គ្រប់គ្រងឆ្នាំ២០២៧ របស់ក្រសួងមហាផ្ទៃ (ផ្នែករដ្ឋបាលទូទៅ) ជាមួយក្រុមការងារតំណាងក្រសួងសេដ្ឋកិច្ចនិងហិរញ្ញវត្ថុ ដែលដឹកនាំដោយ ឯកឧត្តមបណ្ឌិត គឹម កែវមុនីរ័ត្ន អគ្គនាយករង នៃអគ្គនាយកដ្ឋានថវិកា ក្រសួងសេដ្ឋកិច្ចនិងហិរញ្ញវត្ថុ។ កិច្ចប្រជុំនេះ មានការអញ្ជើញចូលរួមពី ឯកឧត្តម ឧត្តមអគ្គានុរក្សថ្នាក់លេខ១ ឈន សាណាត អគ្គនាយក នៃអគ្គនាយដ្ឋានពន្ធនាគារ អគ្គនាយករង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ ព្រមទាំងថ្នាក់ដឹកនាំ និងក្រុមការងារតំណាងក្រសួងសេដ្ឋកិច្ច និងហិរញ្ញវត្ថុ៕

ប្រភព៖ អគ្គនាយកដ្ឋានភស្តុភារនិងហិរញ្ញវត្ថុ