កម្ពុជានឹងដឹកនាំកិច្ចប្រជុំកិច្ចសហប្រតិបត្តិការអាស៊ានលើកទី២៣ និងអាស៊ានបូកបីលើកទី៨ ស្តីពីកិច្ចការមុខងារសាធារណៈ និងវេទិកាអភិបាលកិច្ចល្អ នាថ្ងៃស្អែកនេះ

គណៈកម្មការរៀបចំកិច្ចប្រជុំកិច្ចសហប្រតិបត្តិការអាស៊ានលើកទី២៣ និងអាស៊ានបូកបីលើកទី៨ ស្តីពីកិច្ចការមុខងារសាធារណៈ និងវេទិកាអភិបាលកិច្ចល្អ បានត្រៀមខ្លួនរួចរាល់ ដើម្បីទទួលស្វាគមន៍ប្រតិភូអាស៊ានដែលនឹងមកចូលរួមកិច្ចប្រជុំនាថ្ងៃស្អែក។

ដើម្បីសម្រួលដល់ការផ្សព្វផ្សាយឱ្យបានកាន់តែទូលំទូលាយ គណៈកម្មការ បានរៀបចំទីតាំងសម្រាប់ធ្វើបទសម្ភាសន៍ជាមួយប្រតិភូមកពីបណ្ដាប្រទេសនានា និងភាគីពាក់ព័ន្ធ នៅក្នុងមណ្ឌលព័ត៌មាន ACCSM Media Center។