ខេត្តពោធិ៍សាត់៖ នៅថ្ងៃទី២៣ ខែតុលា ឆ្នាំ២០២៦ លោក សំ ណារិទ្ធ អភិបាលរងខេត្ត តំណាងឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ រួមជាមួយព្រះមេគុណខេត្ត និងព្រះអនុគណក្រុង ស្រុក និង មន្ទីរ មួយចំនួន ចុះជួបសំណេះសំណាល សួរសុខទុក្ខ និងនាំយកស្បៀងអាហារ និងប្រគល់អំណោយជូនដល់កងទ័ពជួរមុខ ទិសទី៤ យោធភូមិភាគ៥ ប្រចាំការក្នុងឃុំថ្មដា ស្រុកវាលវែង ប្រកបដោយការយកចិត្តទុកដាក់ និងផ្សារភ្ជាប់នូវមនោសញ្ចេតនាដ៏ជ្រាលជ្រៅរវាង ប្រជាពលរដ្ឋ នៅសមរភូមិក្រោយ ជាមួយវីរកងទ័ពកម្ពុជា សមរភូមិមុខដ៏អង់អាចក្លាហាន។ បងប្អូនវីរកងទ័ពជួរមុខទាំងអស់ គឺជាកម្លាំងដ៏រឹងមាំ ក្នុងការពារជាតិ និងបូរណភាពទឹកដី របស់កម្ណុជាដែលមិនអាចកាត់ថ្លៃបាន។ 

ក្នុងនាមគណៈបញ្ជាការឯកភាពខេត្ត និងក្នុងនាមប្រជាពលរដ្ឋទូទាំងខេត្តពោធិ៍សាត់ សូមនាំមកនូវសេចក្តីនឹករលឹក និងការដឹងគុណយ៉ាងជ្រាលជ្រៅបំផុត ចំពោះការលះបង់គ្រប់បែបយ៉ាងរបស់បងប្អូនកម្លាំងជួរមុខ ដើម្បីបូរណភាពទឹកដី និងភាពសុខសាន្តនៃមាតុភូមិកម្ពុជារបស់យើង។

ប្រភព៖ រដ្ឋបាលខេត្តពោធិ៍សាត់