នាព្រឹកថ្ងៃសុក្រ ទី២ ខែតុលា ឆ្នាំ២០២៦ លោកជំទាវ អុង សុភាវី រដ្ឋលេខាធិការ និងជាប្រធានក្រុមការងារយេនឌ័រក្រសួងមហាផ្ទៃ បានអញ្ជើញដឹកនាំកិច្ចប្រជុំ “បូកសរុបលទ្ធផលប្រចាំនព្វមាស ឆ្នាំ២០២៦ និងការត្រៀមរៀបចំសន្និបាតបូកសរុបលទ្ធផលការងារយេនឌ័រក្រសួងមហាផ្ទៃ ឆ្នាំ២០២៦ និងទិសដៅអនុវត្តបន្តឆ្នាំ២០២៧” ដែលបានរៀបចំនៅសាលប្រជុំខេត្តសៀមរាប ទីស្តីការក្រសួងមហាផ្ទៃ។

កិច្ចប្រជុំនេះ មានការអញ្ជើញចូលរួមដោយ លោកជំទាវ ព្រំ ចន្ថា អនុរដ្ឋលេខាធិការ លោកជំទាវ ព្រំ សុភី អនុរដ្ឋលេខាធិការ លោកជំទាវ ទីប្រឹក្សាក្រសួងមហាផ្ទៃ ព្រមទាំងលោកជំទាវ ឯកឧត្តម ប្រធានក្រុមការងារយេនឌ័រតាមបណ្តាអង្គភាព អគ្គនាយកដ្ឋាន ចំណុះក្រសួងមហាផ្ទៃ និងលោក លោកស្រី សមាជិក សមាជិកា ក្រុមការងារយេនឌ័រក្រសួងមហាផ្ទៃ ចូលរួមដោយផ្ទាល់ ចំនួន៦២រូប ក្នុងនោះស្ត្រី ៤៤រូប ព្រមទាំងមានការចូលរួមពី លោកស្រី អភិបាលរង នៃគណៈអភិបាលរាជធានី-ខេត្ត និងមន្ត្រីបច្ចេកទេស តាមរយៈប្រព័ន្ធអនឡាញជាច្រើនរូប។