ទីស្តីការក្រសួងមហាផ្ទៃ៖ នារសៀលថ្ងៃអង្គារ ទី៦ ខែតុលា ឆ្នាំ២០២៦ នេះ ឯកឧត្តម នាយឧត្តមសេនីយ៍ ប៉ោ ភក្តិ អញ្ជេីញដឹកនាំកិច្ចប្រជុំ ស្តីពី ការពិនិត្យ និងពិភាក្សា សេចក្តីព្រាង ផែនការយុទ្ធសាស្ត្រ និងផែនទីបង្ហាញផ្លូវឌីជីថលក្នុងក្របខ័ណ្ឌ ក្រសួងមហាផ្ទៃ ដោយមានការអញ្ជេីញចូលរួមពី ឯកឧត្តម អនុរដ្ឋលេខាធិការ ឯកឧត្តម ឧត្តមសេនីយ៍ឯក អគ្គនាយក អគ្គនាយករង ប្រធាន – អនុប្រធាននាយកដ្ឋាន នាយការិយាល័យជំនាញ លោក – លោកស្រី និងមន្ត្រីជំនាញពាក់ព័ន្ធជាច្រេីនរូបទៀត ។

ក្នុងឱកាសនៃកិច្ចប្រជុំនេះដែរមានគោលបំណង ផ្តោតសំខាន់លេីកិច្ចពិភាក្សាការងារសំខាន់ៗចំនួន៣ រួមមាន៖ ការធ្វើទំនើបកម្មការងារបច្ចេកវិទ្យាក្របខ័ណ្ឌក្រសួងមហាផ្ទៃ ។ ការរៀបចំយន្តការសមាហរណកម្មប្រព័ន្ធដែលមានលក្ខណៈដោយឡែកៗ មកជាប្រព័ន្ធអេកូឡូស៊ីរួម ។ ការរៀបចំផែនការយុទ្ធសាស្ត្រ និងផែនទីបង្ហាញផ្លូវឌីជីថល ឆ្នាំ២០២៦- ២០៣០ ។

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ