នៅព្រឹកថ្ងៃពុធ ទី ៧ ខែតុលា ឆ្នាំ២០២៦ ឯកឧត្តម អ៊ូច ភា រដ្ឋលេខាធិការ និងជាប្រធានក្រុមការងារទី៣ខេត្តកំពង់ចាម ក្រុមការងារត្រួតពិនិត្យ និងជំរុញការអនុវត្តគោលនយោបាយ « ភូមិ-ឃុំ-សង្កាត់មានសុវត្ថិភាព »  បានអញ្ជើញជាអធិបតីក្នុងកិច្ចប្រជុំបូកសរុបការងាររយៈពេល ៩ខែ ឆ្នាំ២០២៦ និងទិសដៅបន្តនៃការអនុវត្តនគោលនយោបាយ«ភូមិ-ឃុំ-សង្កាត់មានសុវត្ថិភាព» ររបស់រដ្ឋបាលខេត្តកំពង់ចាម នៅសាលសន្និសិទសាលាខេត្តកំពង់ចាម ។

ក្នុងកិច្ចប្រជុំនេះមានការអញ្ជើញចូលរួម  ឯកឧត្តម ឈឹម សេរីភួន អនុរដ្ឋលេខាធិការ ឯកឧត្តម ហេងពិទូ អនុរដ្ឋលេខាធិការ ឯកឧត្តម ខ្លូត ផន ប្រធានក្រុមប្រឹក្សាខេត្ត។

ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត អភិបាលរងខេត្ត លោកស្នងការ-ស្នងការរង នគរបាលខេត្ត មេបញ្ជាការកងរាជអាវុធហត្ថខេត្ត ក្រុមការងារលេខាធិការដ្ឋាន គ.ភ.ឃ.សអស់លោក លោកស្រីប្រធានមន្ទីរ អង្គភាពជំនាញជុំវិញខេត្ត លោក លោកស្រី អភិបាល អភិបាលរង និងអធិការ-អធិការរងស្រុក-ក្រុង អស់លោក លោកសី មេឃុំ-ចៅសង្កាត់ ស្មៀន នាយប៉ុស្តិ៍ ប្រធានមណ្ឌលសុខភាព និងប៉ុស្តិ៍សុខភាព ព្រមទាំង អ្នកពាក់ព័ន្ធមានចំនួន សរុប ៥១៩នាក់ ស្ត្រីចំនួន ៩៨នាក់ ។

ក្នុងក្នុងពិធីនេះដែរក៏មានបទអន្តរាគមន៍៖

១-លោកអភិបាល នៃគណៈអភិបាលស្រុក ស្ទឹងត្រង់ លើប្រធានបទ ការគ្រប់គ្រងគ្រោះមហន្តរាយ និងសន្តិសុខ សណ្តាប់ធ្នាប់ជូនប្រជាពលរដ្ឋជម្លៀសមកកាន់ទីទួល  

២-លោកអភិបាល នៃគណៈអភិបាលស្រុកស្រីសន្ធរ លើប្រធានបទ ការអន្តរាគមន៍ឆ្លើយតបការងារ គ្រោះមហន្តរាយ។

៣-លោកអភិបាលនៃគណៈអភិបាលស្រុកព្រៃឈរ លើប្រធានបទ ការរៀបចំសណ្តាប់ធ្នាប់ សោភ័ណភាព អនាម័យបរិស្ថាននៅតំបន់រមណីយដ្ឋានទឹកឆារ ។ 

៤-លោកឧត្តមសេនីយ៍ទោ ហេង វុទ្ធី ស្នងការនគរបាលខេត្ត លើប្រធានបទ ការរក្សាសន្តិសុខ សណ្តាប់ធ្នាប់សាធារណៈ ការបង្ក្រាប បទល្មើស គ្រឿងញៀន ល្បែងស៊ីសង បទល្មើសតាមប្រព័ន្ធបច្ចេកវិទ្យា និង បង្ហាញជូន អំពីការប្រើប្រាស់ App Kapea Scams ការពារទូរស័ព្ទ ពីការឆបោកតាមប្រព័ន្ធបច្ចេកវិទ្យា។

នៅចុងកម្មវិធីរដ្ឋបាលខេត្តបានប្រគល់ tablet ជូនដល់អភិបាលស្រុកទាំង១០ ក្នុងមួយស្រុកទទួលបានចំនួន១tablet   និងលេខាធិការដ្ឋានគ្រោះមហន្តរាយចំនួន១ tablet ទុកសម្រាប់បំពេញការងារផងដែរ។